NY
21.1.1 nya-
kiugo kĩongagĩrĩrwo mbere wa ciugo ingĩ kũhe mũndũ-wa-nja maũthĩ maringaine na ũndũ ũcio mũhano: nyarũirũ nĩ mũirĩtu mũirũ
21.1.2 nyaaga
hurunjũka
21.1.3 nyaciara
nyina wa mũthuri ũrĩa ũkũhikĩtie
21.1.4 nyaga
nyoni ĩ magũrũ maraya na ngingo ndaya ĩikarga werũ-inĩ na ndĩũmbũkaga; thũmbĩ; ũkaru
21.1.5 nyagacũ
mũtumia mũte nĩ mũrũme agatuĩka kĩmene
21.1.6 nyaka
nyarara
21.1.7 nyama
kĩĩga kĩororo gĩkoragwo kĩũmbĩte mwĩrĩ wa ciũmbe irĩa irĩ mahĩndĩ
21.1.8 nyama nyamu
ĩthiaga ũtukũ ĩ mũting'oe mũtungu na rũrĩmĩ rũraihu yenjaga marima ĩkarĩa mũthũa
21.1.9 nyamaria
agithia thayũ na ũndũ wa gũthĩnia
21.1.10 nyamũ
ciũmbe irĩithagio nĩ andũ kana igetũũria, irĩa ihotaga gũthiĩ ikoima handũ hamwe kinya harĩa hangĩ na irĩaga, igathĩa irio mĩĩrĩ yacio ĩkahũthĩra kĩrĩa ĩrabatara na ĩgate gĩko; kĩndũ Kĩngeretha "thing"
21.1.11 nyange
mũhĩriga wa nyoni njerũ ĩ magũrũ maraya Aĩdea aĩba
21.1.12 nyarara
hũthia; aga gũtĩa; mena
21.1.13 nyarare
ĩ nyararĩtwo
21.1.14 nyarari
.jpg)
mũirĩtu mũthaka mũno
21.1.15 nyarira
gwĩka kĩndũ kana mũndũ maũndũ moru ma ũnũhi; thũkangia
21.1.16 nyarĩrĩ
mwena wa igũrũ wa kũgũrũ ũrĩa ũtarangaga thĩ thutha wa ciara cia magũrũ
21.1.17 nyarũme
mũrũ wa nyina na maitũguo
21.1.18 nyarũrũng'a
ithaga rĩthondeketwo na tũmĩrĩnga tuohagĩrĩrwo nĩ andũ-a-nja thũng'wa tũkagamba makinyũkia
21.1.19 Nyaya
kĩeya kũamũre kĩa mũgũnda
21.1.20 Nyaya
mũkũikũ wa matuĩka thĩinĩ wa rũgano
21.2.1 nyegerera
tũthundo tũnini tũgĩaga mwĩrĩ wa mũndũ handũ hamwe twĩ tũingĩ
21.2.2 nyeki
mũmera wĩkũragia kana ũkahandwo ũgatamba thĩ ũnyitanĩte ũkoragwo na rũnyaga rwa nyeni mũhano: ngonda na kĩgombe nĩ mĩhĩrĩga ya nyeki 21.2.3 Nyene
Ngai
21.2.4 nyeni
rũnyaga
21.2.5 nyeni
mathangũ ma mĩmera marĩa mangĩrĩka nĩ andũ ta irio
21.2.6 nyenje
gatambi ga gĩtĩĩri kaingĩ konekaga nyũmba cia andũ karĩaga rũitĩki
21.2.7 nyenya
nyarara
21.2.8 nyeta
ng'eta
21.3.1 nyiha
korwo ũtarĩ mũnene; korwo itarĩ nyingĩ nyika gĩa nganja; aga kũiganĩra; mena
21.3.2 nyika
21.3.3 nyira
21.3.4 nyima
kiugo gĩa kuuga kana kwĩra mũndũ ndagakũhe kĩndũ mũhano: ũra nyima irio nĩkĩ na ndĩ mũhũtuĩ
21.3.5 nyina
mũciari mũndũ-wa-nja wa mũndũ ũngĩ
21.3.6 nyinyi
nini
21.3.7 nyira
nogio nĩ kĩndũ nĩ gũkĩhũthĩra mũno
21.3.8 nyita
gwata kĩndũ na moko kana ũkĩhũthĩra kĩndũ kĩngĩ; taũkwo nĩ ũndũ; mũtego kũgwatia kĩndũ
21.3.9 nyitia
rũmia kĩndũ gĩa kuoha nyitio kĩndũ kĩrohwo kuohwo gĩkarũmio
21.3.10 nyitĩro
handũ hathondeketwo kana heigĩte ũndũ no hanyitĩke; mũnyito
21.4.1 nyoko
mũndũrũme mũthaka mũno; ũthaka
21.4.2 nyondo
kiĩga kĩrĩa andũ-a-nja na nyamũ cia nga ciongithagia ciana iria
21.4.3 nyongerera
kiugo gĩa kũũria mũndũ akũnengere kĩndũ kingĩ harĩ kĩrĩa wĩnakĩo; marĩhi marĩa andũ maheagwo igũrũ rĩa marĩa mabatiĩ kũrĩhwo
21.4.4 nyongi
mwana ũronga; mũndũ wũikaraga ehokete aciari ake ta atari agimara
21.4.5 nyongo
kĩĩga gĩkoragwo mwĩrĩ-inĩ wa andũ na nyamũ imwe kĩrĩa gĩitaga maĩ marũrũ mũno ma gũteithia gũthĩa irio
21.4.6 nyoni
nyamũ irĩa irĩ njoya na mĩkanye
21.4.7 nyori
njũgũma
21.4.8 nyoroka
korwo hatarĩ hangarata
21.4.9 nyororo
mũkanda ũthondeketwo na igera ikũnjĩtwo igacoka ikagathĩkanio
21.4.10 nyororoka
tenderũkĩra handũ hatarĩ hangarata
21.4.11 nyota
ĩrirĩria kũnyua maĩ;ĩrirĩria ũndũ mũna
21.4.12 nyotu
ĩ na nyota wa maĩ
21.5.13 nyua
meria kĩndũ gĩtweku gĩthiĩ nda;ĩkĩra maguta indo irĩa ihũthagĩra maguta kũruruma; kĩndũ kũguucia kĩndũ gĩtweku gĩkaihũgio nĩkĩo
21.5.14 nyua
kiugo gĩa gũtarĩria werũ kuga kĩna nĩ kĩerũ biũ mũhano:mũthuri ũcio ti mũirũ ona hanini, nĩ mwerũ nyua ; kiugo gĩa gũtarĩria atĩ kĩndũ kĩna nĩ kĩerũ ti gĩkũrũ ona atĩa mũhano: kanja aragũrire ngari njerũ nyua kuma nduka 21.5.15 nyuga
ina; kũya rwĩmbo
21.5.16 nyugĩkia
thirĩkia
21.5.17 nyugo
kĩnyugo
21.5.18 nyũkwa
mũciari mũndũ-wa-nja wa mũndũ ũrĩa ũrarĩria
21.5.19 nyuma
nyima; kiugo gĩa kuuga nĩwakorwo wehera handũ hana mũhano: nyuma gwaku no ndinagũkora; kiugo gĩa kuuga kũrĩa kana ũrĩa ũgũikaire ũndũ mũna ũgĩkĩka mũhano: nyuma nyũmba ũgĩtana
21.5.20 nyũmba
gĩikaro kĩa mũtumia; rũciaro rwa mũtumia mũhano: nyũmba ya Mũmbi; mwako wa gũtũrwo nĩ andũ
21.5.21 nyumĩrĩra
mũthia-inĩ wa handũ kana njĩra harĩa ĩnyitanaga na ĩngĩ
21.5.22 nyũmĩrĩria
ĩkĩra mũndũ ũndũ wa gũtũma agĩe na hinya ngoro
21.5.23 nyũmũ
kĩndũ gĩtarĩ maĩ; kĩndũ kĩahihinywo gĩtingĩmondoka kana gĩatũrĩke na ũhũthũ nyungu
21.5.24 nyũngũ
kĩndũ kĩriku kĩumbitwo na rĩũmba gĩa kũrugĩra gĩkagĩrwo irio gĩkaigĩrĩrwo mwaki-inĩ nĩguo irio icio ihĩe; nyũngũ ya mwana kĩĩga kĩa andũ-a-nja na nyamũ cia nga harĩa mwana areragĩrwo atanaciarwo
21.5.25 nyuranyura
kĩenyũ kĩa njata kana mahiga marĩa makoragwo igũrũ kĩgwĩte gũkũ thĩ
21.5.26 nyũrũria
arĩria mũndũ kana ũmwĩke maũndũ tarĩ kũmũgathĩrĩria no ũrenda aigue ũũru mũhano: arũnyũrũririe mũka akĩmwĩra atĩ irio ciake nĩ cia gĩkĩro o rĩrĩa aramenyaga atĩ irarĩ njũru
21.5.27 nyũrũrũka
therera kuma handũ hainamu
21.5.28 nyũtũ
nyamũ ndĩa nyama ya gĩthaka ĩ mĩcora maitho-inĩĩhana tarĩ maithori na ĩrĩ ihenya mũno
21.6.1 nywa
nyua